لاہور( نامہ نگار)سی سی پی او لاہور ذوالفقارحمید نے کہا ہے کہ لاہور پولیس کرونا وباء میں فرنٹ لائن سولجر ہے،کورونا وباء میں تمام محکموں میں سب سے زیادہ پولیس متاثر ہو رہی ہے۔ لاہور پولیس ہر قسم کے حالات کو پسے پشت ڈالتے ہوئے شہریوں کی سیکورٹی اور سیفٹی کو یقینی بنائے ہوئے ہے۔ ذوالفقارحمید نے بتایا کہ کورونا وباء سے مجموعی طور پر 427 اہلکار متاثر ہوئے جن میں سے 92 اہلکار و افسران قرنطینہ ہیں۔ کورونا وائرس سے330 اہلکاروں و افسران نے صحتیاب ہوکر دوبارہ ڈیوٹیاں سنبھال لیں ہیں، لاہور پولیس کے5 اہلکار کرونا وباء سے شہید ہوئے۔