کشتی ڈوبنے سے گجرات کے 3نوجوان جاں بحق، گھروں میں کہرام
گجرات(نامہ نگار)ترکی کشتی حادثہ میں گجرات کے گاؤں عادووال کے تین نوجوان جاں بحق ہو گئے تینوںکے گھروں میں صف ماتم بچھی ہوئی ہے۔ تفصیلات کے مطابق انسانی سمگلنگ کے غیرقانونی کاروبار میںاضافہ ہوا ہے، گاؤں عادووال کے رہائشی3 گھروں کے نوجوان سیدعلی شاہ، محسن، رحمان اشرف ترکی کے علاقے میں کشتی ڈوبنے سے جاں بحق ہونے کی خبر وائرل ہوتے ہی لواحقین اورانکے قریبی عزیز واقارب میں کہرام مچ گیا،جاں بحق ہونے والے نوجوان انسانی سمگلروں کو لاکھوں روپے دیکر سنہرے مستقبل کیلئے یورپ پہنچنے کیلئے مشکل راستوں سے ہوتے ہوئے ترکی میں نہرپار کررہے تھے کہ اوورلوڈنگ کی وجہ سے ان کی کشتی ڈوب گئی، مرنیوالوں کی عمریں 20 سے 25 سال کے لگ بھگ بتائی جاتی ہیں۔
