میانوالی، جنڈانوالہ، بھکر (نامہ نگار+نمائندہ خصوصی +نمائندہ نوائے وقت) ایم ایم روڈ پر کار اور ٹرالر میں خوفناک تصادم کے نتیجہ میں 3 افراد جاں بحق ہو گئے۔ تینوں کا تعلق میانوالی کی تحصیل پپلاں سے بتایا جا رہا ہے۔ واقعات کے مطابق گزشتہ روز ملتان میانوالی روڈ چاندنی چوک کے قریب کار اور ٹرالر میں تصادم کے نتیجہ میں کار میں سوار خالد محمود ولد غلام حسین عمر 24سال، برہان ولد عثمان علی عمر 38سال، علم دین ولد غلام رسول عمر 66سال شدید زخمی ہوگئے۔ ریسکیو 1122کی ٹیموں نے موقع پر پہنچ کر زخمیوں کو ابتدائی طبی امداد فراہم کرنے کے بعد قریبی آر ایچ سی حافظ والا اور ہرنولی شفٹ کیا جارہا تھا کہ اس دوران تینوں افراد راستے میں ہی دم توڑ گئے۔