ساہیوال(نمائندہ نوائے وقت+نامہ نگار) نواحی چک92سکس۔آر کے قریب ناکہ لگا کر راہگیروں کو لوٹنے والے دو ڈاکو پولیس مقابلہ میں ہلاک، دو فرار ہوگئے۔ مر نے والے دونوں ڈاکو سگے بھائی ناصر عرف ناصری مادھر اور ساجد عرف ساجو مادھر کے نام سے شناخت ہوگئی۔ تفصیلات کے مطابق چک 91۔سکس۔آر سے92۔سکس۔آر جانے والی روڈ پر ناکہ لگا کر چار راہگیروں ثناء اللہ،عامر سہیل،کلیم اللہ اور وقاص سے نقدی 4700روپے، ایک موٹر سائیکل نمبر3991۔ایس۔ایل۔ایل چھین کر راہگیروں کو باندھ کر کھیت میں پھینکا ہوا تھا ۔پولیس اطلاع ملنے کے بعد مو قع پر پہنچی توپولیس کی گاڑی کو دیکھتے ہی ڈاکوئوں نے فائرنگ شروع کر دی ۔مر نے والے ڈاکوئوں کی نعشوں کے پاس پڑی ہوئی دو موٹر سائیکلیں، ایک رائفل44بور، 30بور پستول اور نقدی اور گولیوں کے خول بر آمد ہوئے۔دونوں ڈاکومادھر گینگ کے کارندے تھے ۔مادھر گینگ نے چک75۔فائیوآر اور قادر آباد کے درمیان ڈکیتی کی دو وارداتوں میں دو زمینداروں کو ہلاک کر دیا تھا ۔ قتل،ڈکیتی اورا قدام قتل کے درجنوں مقدمات میں مطلوب تھے اورا شتہاری چلے آرہے تھے۔پولیس فرید ٹائون نے متعدد مقدمات اسلحہ ایکٹ کے تحت درج کر لئے ہیں۔ دونوں کی نعشوں کو میڈیکل بورڈ کے پوسٹ مارٹم کے بعد ورثاء کے سپرد کر دیا گیا۔