شیخوپورہ+جوئیانوالہ+فیروزوالہ(نمائندہ خصوصی + نمائندہ نوائے وقت+ نامہ نگار) شیخوپورہ کے پوش علاقہ ہائوسنگ کالونی کے قرب و جوار میںقائم جوہڑ میں نہاتے ہوئے 3بچے پانی میں ڈوب کر جاں بحق ہو گئے۔ ریسکیو 1122نے فوری طور پر مو قع پر پہنچ کر نعشوں کو نکال لیا ہے ۔ تینوں بچے اپنے ماں باپ کے ہمراہ رشتے داروںکو ملنے کیلئے آئے تھے۔ گرمی کے باعث بچے نہانے کیلئے جوہڑ گئے جہاں پانی گہرا ہونے کے باعث ڈوب گئے۔ بچوں کو ان جوہڑوں کی گہرائی کے بارے میں علم نہیں تھا۔ بچوں کی نعشوں کو نکالنے کے بعد بد قسمت خاندان میں کہرام مچ گیا۔ پتہ چلا ہے کہ جاں بحق ہونے والوں میں ایک بچی بھی شامل ہے۔ جاں بحق ہونے والوں میں 7سالہ ارسلان اور 5سالہ بچی آرزو جبکہ 7سالہ عبید رضا شامل ہے۔