پتوکی: غلہ منڈی میں2 لڑکے ٹرک کے نیچے آکر جاں بحق
قصور+پتوکی(نمائندہ خصوصی+ نمائندہ نوائے وقت) پتوکی غلہ منڈی میں ٹرک ٹھیک کرتے ہوئے دو مکینک ٹرک کے نیچے آگئے دونوں موقع پر جاں بحق امدادی ٹیمیں موقع پر پہنچ گئیں۔تفصیلات کے مطابق لاہور والا اڈہ پتوکی کے قریب مدینہ کالونی پتوکی کے رہائشی نبیل اور افتخار سڑ ک کنارے خراب ٹرک کی مرمت نیچے لیٹ کر کر رہے تھے اچانک ٹرک اپنی جگہ سے سرکا اور چلنے لگا جس کی زد میں آکر نبیل اور افتخار دونوں ٹرک تلے کچل کرموقع پر ہی دم توڑ گیا۔دونوں جاںبحق ہونے والے افراد کی عمریں 18 اور 20 سال ہیں۔دونوں افراد کی نعشوں کو پوسٹ مارٹم کے بعد نعشیں ورثا کے حوالے کردی۔
