گوجرانوالہ(نمائندہ خصوصی)تھانہ سول لائن کے علاقہ گجرچوک میں مبینہ پولیس مقابلہ میں دو ڈاکو ہلاک جبکہ دو فرار ہو گئے، ہلاک ہونے والے دونوں ڈاکوؤں کو گزشتہ رات ان کے ساتھی پولیس وین پر فائرنگ کرکے پولیس کی حراست سے بھگا کر لے گئے تھے، پولیس کے مطابق ناکہ بندی کے دوران دو موٹرسائیکلوں پر چارمشکوک افرادکوروکاگیا لیکن ملزموں نے روکنے کی بجائے موٹر سائیکلیں بھگا دیں جس پر پولیس نے ڈاکوؤں کا تعاقب کیا تو ڈاکوں نے فائرنگ کردی دوطرفہ فائرنگ کے دوران دو ڈاکو موقعہ پر جاں بحق ہو گئے ڈاکوؤں کی شناخت غلام مرتضیٰ اور امانت کے ناموں سے ہوئی، ڈاکوؤں کی فائرنگ سے پولیس اہلکار زبیر عطا زخمی بھی ہواتھا پولیس کے مطابق امانت پر46جبکہ غلام مرتضیٰ پر 23ڈکیتی، راہزنی اور دوران ڈکیتی زخمی و قتل کے مقدمات درج ہیں جبکہ دو فرارڈاکوؤں کی تلاش کو علاقہ کا سرچ آپریشن جاری ہے۔