قصور+ کوٹ رادھاکشن+ ننکانہ صاحب+ شاہ کوٹ (نمائندہ نوائے وقت + نامہ نگاران) ٹریفک حادثات میں 2 افراد جاں بحق جبکہ خاتون سمیت 3 افراد شدید زخمی ہوگئے ۔نارائن سنگھ والا کا چھتیس سالہ اقبال احمد بیوی اور بیٹی کیساتھ چونیاں آرہا تھاگجن سنگھ والاکے قریب سامنے سے آنیوالے ٹرک سے ٹرانے سے اقبال احمد جاں بحق اور بیوی اور بچی شدید زخمی ہوگئی۔ نواحی گاوںچک نمبر 60 کا ابراہیم موٹرسائیکل پر کوٹ رادھاکشن آرہاتھا کہ ڈپٹی والہ کے قریب سامنے سے آنیوالے نامعلوم موٹرسائیکل سوار نے ٹکر دے ماری جس کی وجہ سے ابراہیم شدید زخمی ہوگیا۔ تمام زخمیوں کو مختلف ہسپتالوں میں منتقل کر دیا گیا۔نواحی اڈہ پنواں کے قریب پک اپ نے چناب نگر کے رہائشی35سالہ موٹر سائیکل سوار منور احمد کو ٹکر مار دی جس کے نتیجے میں وہ موقع پر ہی دم توڑ گیا۔