لاہور(سپورٹس ڈیسک)انگلینڈ کے فاسٹ بائولر سٹورٹ براڈ نے ٹیسٹ کرکٹ میں 500وکٹیں حاصل کرنے والے کلب کو جوائن کرلیا ۔ انہوں نے گزشتہ روز ویسٹ انڈیز کے خلاف تیسرے ٹیسٹ میچ کے آخری دن کریگ براتھویٹ کو آئوٹ کرکے یہ کارنامہ سر انجام دیا ۔ وہ یہ اعزاز حاصل کرنے والے دنیا کے ساتویں اور انگلینڈ کے دوسرے بائولر بن گئے ہیں ۔ ٹیسٹ کرکٹ میں مرلی دھرن نے سب سے زیادہ 800وکٹیں حاصل کررکھی ہیں۔ شین وارن نے 708‘انیل کومبلے نے 619‘جیمز اینڈرسن نے 600‘گلین میکگراتھ نے 563اور کورٹنی والش نے 519وکٹیں حاصل کی ہیں ۔