سرگودھا، ڈسکہ (نامہ نگار، نمائندہ نوائے وقت) سرگودھا اور ڈسکہ میں 2مختلف ٹریفک حادثات کے دوران 4نوجوان جاں بحق ہو گئے۔ ڈسکہ میں تھانہ موترہ کے علاقہ بھیلومہار کا بلال، عمر اور ذوالقرنین موٹرسائیکل پر سوار ہو کر سیالکوٹ فیکٹری میں کام پرجا رہے تھے کہ گھوئینکی کے قریب ان کو سامنے سے آنیوالی گدھا گاڑی نے ٹکرماردی جس کے نتیجہ میں موٹرسائیکل سوار بلال اور عمر موقع پر ہی جاں بحق ہوگئے جبکہ ذوالقرنین شدید زخمی ہوگیا جس کو طبی امدادکیلئے ہسپتال پہنچا دیا جہاں پر اس کی حالت تشویشناک بتائی جاتی ہے۔ دریں اثناء سرگودھا خوشاب روڈ پر چک 71 شمالی کے قریب تیز رفتار گاڑی نے تحصیل سائیوال کے موٹرسائیکل سوار 2 نوجوانوں عرفان اور صدیق کو ٹکر مار دی جس کے نتیجہ میں دونوں نوجوان جانبحق ہو گے جن کو ہسپتال منتقل کر کے تھانہ جھال چکیاں پولیس مصروف تفتیش ہے۔