لاہور(نمائندہ سپورٹس +سپورٹس رپورٹر) پاکستان کے ٹاپ پروفیشنل سنوکر کھلاڑی حمزہ اکبر نے کہا ہے کہ ملک میں سنوکر کا کھیل حکومتی اور سپانسر کی سرپرستی کے بغیر ترقی نہیں کر سکتا۔ میں عالمی سنوکر چیمپئن شپ کے کوالیفائرز رائونڈ میں ویزا نہ ملنے پر شرکت نہ سکا۔ میرے لئے یہ ایک اچھا موقع تھا اگر ویزہ مل جاتا تو میں ایونٹ کیلئے کوالیفائی کر سکتا تھا کیونکہ میں نے ایونٹ کی تیاری کیلئے بھر پور محنت کر رکھی تھی۔ کھلاڑی بنیاد ی سہولیات سے محروم ہیں۔