لاہور، حافظ آباد، اوکاڑہ میں گھریلو حالات سے تنگ 3افراد کی خودکشی
لاہور،اوکاڑہ، حافظ آباد (نامہ نگار + نمائندہ نوائے وقت) لاہور،اوکاڑہ اور حافظ آباد میں گھریلو حالات سے تنگ 3 افراد نے خودکشیاں کر لیں۔ اوکاڑہ کے گائوں 29D کارہائشی خادم نامی شخص گھریلو حالات سے تنگ آکر گندم میں رکھنے والی زہریلی گولیاں کھاکر خود کشی کر لی۔ جبکہ حافظ آباد میں چک چٹھہ میں 50سالہ شخص نے خود کو گولی مار کر زندگی کا خاتمہ کرلیا۔ عبدالطیف گزشتہ دو برس سے ذہنی مریض چلا آ رہا تھا۔ گزشتہ روز اس نے باتھ روم میں جاکر خود کو پسٹل کے ساتھ گولی مار لی اور زندگی کا خاتمہ کر لیا۔ دریں اثناء لاہور کے علاقے لیاقت آباد میں 30 سالہ خاتون نے گھریلو لڑائی جھگڑوں سے دلبرداشتہ ہو کر گلے میں پھندہ لے کرخودکشی کر لی ہے۔ لیاقت آباد کے علاقے ماڈل بازار کی رہائشی30 سالہ ہما اکرام نے اپنے خاوند وقاص کے ساتھ جھگڑے کے بعد دلبرداشتہ ہو کر پنکھے سے پھندہ لے کر خودکشی کر لی ہے۔
