موڑ کھنڈا، اوکاڑہ (نامہ نگاران) اوکاڑہ نیشنل ہائی وے پر ٹائر برسٹ ہوجانے کے باعث مزدا سٹرک کنارے کھڑے ٹرک سے ٹکرا گیا، مزدا میں سوار 2 افراد جاں بحق ہوگئے۔ مزدا منی ٹرک نیشنل ہائی وے پر جا رہا تھا کہ جیسے ہی وہ چک نمبر27/2Lاوکاڑہ کے قریب پہنچا تو اس کا اچانک ٹائر برسٹ ہوگیا۔ مزدا بے قابوہوکر سامنے جانے والے ٹرک سے جاٹکرایا مزدا میں سوار 2افراد جن کی شناخت 35سالہ تنویر ولد مشتاق اور30سالہ امتیاز ولد ریاض احمد کے ناموں سے ہوئی ہے جوموڑ کھنڈا ننکانہ صاحب کے رہائشی تھے۔ حادثے کے نتیجے میں موقع پر جاں بحق ہوگئے۔ اطلاع ملنے پر ریسکیو 1122 نے نعشوں کو ہسپتال منتقل کر دیا۔