لاہور (سپورٹس رپورٹر+نمائندہ سپورٹس) پاکستان کرکٹ ٹیم کے مایہ ناز سابق کپتان شاہد خان آفریدی نے دورہ انگلینڈ میں قومی کرکٹ ٹیم سے عمدہ کارکردگی کی امیدیں وابستہ کر لی ہیں جن کا کہنا ہے کہ مشکل انگلش کنڈیشنز میں ڈرا سیریز بھی جیت کے برابر ہے، امید ہے کہ ٹیم بیٹنگ اور بولنگ میں اچھی کارکردگی کا مظاہرہ کرے گی۔تفصیلات کے مطابق پاکستان کے رواں دورہ انگلینڈ سے متعلق گفتگو کرتے ہوئے ان کا کہنا تھا کہ 2016ء میں کپتان مصباح الحق اور یونس خان نے شاندار کارکردگی کا مظاہرہ کیا اور یہ دونوں انگلینڈ کے ماحول کا بہترین تجربہ رکھتے ہیں جبکہ کھلاڑیوں کو اچھی ٹیم مینجمنٹ کی بھرپور سپورٹ حاصل ہے۔