بہاولپور (نیوز رپورٹر) عیدقربان پر قصائیوں کو وی وی آئی پی کادرجہ حاصل رہا‘ پہلے روز قصائیوں نے بکرے کے 3000 روپے‘ بڑے جانورکے 15000 سے 20000 روپے تک وصول کئے۔ تفصیل کے مطابق عید قربان کے پہلے روز قصائیوں نے اپنی من مانیاں جاری رکھی اور عید نمازکے فوری بعد سے لیکر12 بجے دوپہر تک بکرے کا ریٹ3000 روپے تک وصول کرتے رہے جبکہ مغرب تک کا ریٹ2500 روپے رہاجبکہ دوسرے اور تیسرے روز قصائیوں نے 1000 روپے سے 1500 روپے تک وصول کئے اسی طرح قصائیوں نے بڑے جانورکے پہلے روز 20000 روپے جبکہ دوسرے اور تیسرے روز 15 ہزارسے 10 ہزار روپے تک وصول کیا۔