حافظ آباد (نمائندہ نوائے وقت) حافظ آباد کے نواحی گائوں ناہریانوالہ میں چچا نے غیرت کے نام پر فائرنگ کرکے اپنی بھتیجی کو قتل کردیا جس کے ملزم فرار ہوگیا۔ تفصیلات کے مطابق ناہریانوالہ کا رہائشی فیاض احمد اپنی جواں سال بھتیجی آصفہ دختر مسلم کے چال چلن پرشاکی تھا۔ گزشتہ روز جب آصفہ گھر میں سورہی تھی تو اسکے چچا فیاض نے اس پر فائرنگ کردی جس کے نتیجہ میں وہ جاں بحق ہوگئی جبکہ ملزم موقع سے فرار ہوگیا۔ پولیس کالیکی نے نعش کو قبضہ میں لیکر پوسٹمارٹم کے لئے ہسپتال منتقل کر دیا۔