لاہور(  پ ر))  یو نیورسٹی آف مینجمنٹ ایند ٹیکنالوجی کے صدر ابراہیم حسن مراد سے ٹینس کھلاڑی اعصام الحق قریشی نے ملاقات کی۔ اعصام الحققریشی  ایک ٹاپ پروفیشنل پاکستانی ٹینس کھلاڑی ہے،جس نے بہت سے بین الاقوامی تمغے جیت کر پاکستان کا سر فخرسے بلند کیا ہے۔صدر یو ایم ٹی ابراہیم حسن مراد نے اعصام الحق کا پرتباک استقبال کیا ۔  ابراہیم مراد نے اعصام الحق کو پاکستان میں ٹینس اور دیگر کھیلوں کے فروغ میں دلچسپی ظاہر کی اور یو ایم ٹی میں کھیلوں کی بہترین سہولیات اور انفراسٹرکچر کے بارے میں بھی بتایا۔ انہوں نے اعصام الحق کی فائونڈیشن کے تحت شروع کیے گئے (سٹار اگینسٹ ہنگر ) جیسے نیک اقدام کی تعریف کی انکا کہنا تھا کہ ایسے اقدام سے نہ صرف لوگوں کو اکٹھا ہو کر ایک ساتھ مل کر کام کرنے کا موقع ملے گا بلکہ مستحق خاندانوں میں غذائی تحفظ بھی مہیا کر سکیں گے۔  اعصام الحق قریشی نے اعلیٰ تعلیم کے فروغ میں یو ایم ٹی کی کاوشوں کو خوب سراہا اور یو ایم ٹی کے ٹینس کھلاڑیوں کی تربیت کی پیشکش کرتے ہوئے پاکستان میں ٹینس کی کھیلوں میں بہتری کیلئے مکمل تعاون کی یقین دہانی  کروائی۔