اسلام آباد(خصوصی نمائندہ) وزیراعظم عمران خان کے وژن کے مطابق پاکستان سٹیٹ آئل نے یورو 5پٹرول کی درآمد شروع کر دی، ترجمان پٹرولیم ڈویژن کے مطابق بروقت یورو فائیو پٹرول درآمد وزیر عمر ایوب اور معاون خصوصی ندیم بابر کی خصوصی ہدایت پر کی گئی، پی ایس او یورو 5 در آمد کرنے والی پہلی آئل مارکیٹنگ کمپنی ہے، پٹرولیم ڈویژن نے یورو 5 پٹرول اور ڈیزل درآمد کے حوالے سے پالیسی گائیڈ لائنز جاری کر چکی ہے، جنوری 2021 تک یورو فائیو ڈیزل کی درآمد شروع کر دی جائے گی، یورو فائیو پٹرول کے استعمال سے ماحولیاتی آلودگی کم کرنے میں مدد ملے گی۔