شیخوپورہ+ جنڈیالہ شیر خان (نمائندہ نوائے وقت+ نامہ نگار) تھانہ سٹی اے ڈویژن کے علاقہ صلاح الدین روڈ کی آبادی میں کرنٹ لگنے سے دادی تین پوتوں سمیت  جاں بحق ، بتایا گیا کہ اسد علی نامی شہری کے گھر میںاس کی والدہ55 سالہ اقبال بی بی اپنے تین پوتوں کے ساتھ موجود تھی کہ بچوں کے کھیلنے کے دوران پڈسٹل فین دادی اقبال بی بی پر آگرا جبکہ پنکھے کے گرنے سے گھر کے گیلے فرش میں بھی کرنٹ آگیا جس کی زد میں آکر اقبال بی بی سمیت 10سالہ عبدالرحمن، 7سالہ عبدالمنان اور 5سالہ مطیع الرحمان کرنٹ لگنے سے جا ں بحق ہوگئے دادی اور تین پوتوں کے جاں بحق ہونے کا علم اس وقت ہوا جب رکشہ ڈرائیور محنت کش اسد علی جو بیوی کے ہمراہ ضروری کام سے کچھ دیر کیلئے گھر سے گیا تھا دونوں میاں بیوی گھر پہنچے تو چارو ں کی نعشیں دیکھ کر انکے ہوش اڑ گئے اور محنت کش کے گھر میں قیامت صغریٰ برپا ہوگئی ہر آنکھ اشکبار تھی۔