چمن میں موٹرسائیکل بم دھماکہ سے 5افراد کی شہادت
بلوچستان کے سرحدی شہر چمن کے مال روڈ پر ندا مارکیٹ کے سامنے بم دھماکہ ہوا، جس میں 5افراد شہید جبکہ 2درجن سے زائد افراد شدید زخمی ہوگئے۔ ملک میں دہشت گردی کی لہر پھر سر اٹھا رہی ہے، جس کو فوری کچلنا انتہائی ضروری ہے۔ آرمی چیف جنرل قمر جاوید باجوہ نے بھی گزشتہ روز آئی ایس آئی ہیڈکوارٹر کا دورہ کیا۔ ان کو سکیورٹی صورتحال پر بریفنگ دی گئی۔ پاکستان کی مسلح افواج کے جوانوں اور افسروں کی لازوال قربانیوں نے اگرچہ دہشت گردوں کی کمر توڑ دی ہے لیکن ’’ادھ موئے‘‘ سانپ کی طرح ابھی بھی وہ ڈسنے کی کوشش کرتے ہیں لہٰذا ان کو مکمل طور پر کچلنے اور رزق خاک بنا دینے کی ضرورت ہے۔
