کرونا: بابا فریدؒ کے عرس کی تقریبات محدود‘ زائرین شرکت نہیں کرسکیں گے
پاکپتن (نمائندہ نوائے وقت)کرونا وائرس کے پیش نظر عرس بابا فریدؒ کی تقریبات کو محدود کردیا گیا، عام زائرین کو عرس میں شرکت کی اجازت نہیں ہوگی۔ بہشتی دروازہ پانچ روز کی بجائے پہلے دو روز کیلئے کھولا جائے گا۔ تفصیلات کے مطابق کرونا وائرس کے پیش نظر حکومتی ہدایات کے مطابق اس مرتبہ باقاعدہ عرس کے بجائے سجادہ نشین دربار عالیہ دیوان مودود مسعود چشتی چند افراد کے ہمراہ صرف رسومات کی ادائیگی کریں گے اور اس کے علاوہ لوگوں کو رسومات و بہشتی دروازے سے گزرنے کی اجازت نہیں ہوگی۔ اس سلسلہ میں بہشتی دروازہ پانچ روز کے بجائے صرف پہلے دو روز کے لیے کھولا جائے گا۔
