گوجرانوالہ: چچا نے بھائی سے لڑائی پر 3سالہ بھتیجے کو نالے میں پھینک دیا
گوجرانوالہ(نمائندہ خصوصی) گوجرانوالہ کے علاقے کھیالی میں انسانیت سوز واقعہ پیش آیا جہاں ،ظالم چچا نے بھائی سے لڑائی پر3سالہ کمسن بھتیجے سلمان کو گندے نالے میں پھینک کر قتل کرڈالا،ریسکیو 1122 نے کرین کے ذریعے بچے کی نعش مدنی روڈ گندے نالے سے نکال کر ہسپتال منتقل کردی،پولیس کے مطابق ملزم وقاص نشے کا عادی تھا اور گھر والوں سے پیسوں کا تقاضہ کرتا تھا،ملزم کے بڑے بھائی افتخار نے منع کیا تو دونوں میں جھگڑا ہوگیا جس پر درندہ صفت ملزم نے اگلے ہی روز سوئے ہوئے بھتیجے کو اٹھایا اور ساتھ لے جاکر گندے نالے میں پھینک دیا، تھانہ کھیالی پولیس نے واقعہ کی اطلاع ملنے پر ملزم کو گرفتار کرکے مقدمہ درج کرلیا ہے۔
