لاہور (کامرس رپورٹر) تھوک مارکیٹ میں مختلف سبزیوں کی قیمتوں میں معمولی کمی ہوئی۔ ان  سبزیوں میں آلو، پیاز، ٹماٹر، لیموں اور کریلے کی قیمت میں دو سے پانچ روپے کی کمی ہوئی لیکن  اوپن مارکیٹ میں انکی  کی قیمتوں میں کوئی کمی نہیں ہوئی  جبکہ ادرک  اور مٹر کی قیمتوں میں دس دس روپے کلو اضافہ ہو گیا۔  آلو کی مختلف اقسام کی  قیمت 50 سے 80 روپے کلو، پیاز 50 سے70 روپے کلو، ٹماٹر70سے 110روپے کلو، لہسن دیسی170سے 200 ، ادرک  چائنہ 480سے 520جبکہ لیموں دیسی کی  قیمت150 سے  250روپے فی کلو تک رہیں۔ اوپن مارکیٹ میں  روزمرہ اشیا جن میں آٹا، چینی، چاول اور دالوں کی قیمتوں میں کوئی کمی نہیں ہوئی اور ان کے نرخ بلند سطح پر رہے۔