مکہ مکرمہ (ممتاز احمد بڈانی) خادم حرمین شریفین شاہ سلمان بن عبدالعزیز  اور سعودی عرب کے ولی عہد شہزادہ محمد بن سلمان نے پاکستان کے یوم آزادی کے موقع پر صدر پاکستان عارف علوی کو  مبارکباد کے پیغام ارسال کئے ہیں۔ پیغام میں پاکستان کے عوام کے لئے نیک تمنائوں کا اظہار کیا ہے۔ شاہ سلمان بن عبدالعزیز اور  ولی عہد و نائب وزیراعظم اور وزیر دفاع شہزادہ محمد بن سلمان نے اسلامی جمہوریہ پاکستان کے صدر عارف علوی کو 73 ویں یوم آزادی پاکستان کے موقع پر نیک خواہشات کے پیغامات دئیے ہیں۔ پاکستان کی  مستقل ترقی اور خوشحالی کے لیے  نیک تمنائوں کا اظہار کیا ہے۔ شاہ سلمان بن عبدالعزیز اور شہزادہ محمد بن سلمان نے مبارکباد کے اپنے اپنے پیغامات میں صدر عارف علوی کی صحت اور پاکستان کی  مستقل ترقی اور خوشحالی کے ساتھ ساتھ  پاکستانی عوام کے لیے نیک تمنائوں کا اظہار کیا ہے۔