لندن (نوائے وقت رپورٹ)  آئی سی سی  اینٹی کرپشن  یونٹ پاکستان بمقابلہ انگلینڈ سائوتھ ہمپٹن ٹیسٹ میں متحرک ہو گیا۔ ذرائع کے مطابق دوسرے ٹیسٹ کے فیلڈ امپائر  رچرڈ کیتھ بیرو سے پوچھ گچھ کی اطلاعات ہیں۔ امپائر نے غلطی کرتے ہوئے سمارٹ واچ کا استعمال کیا۔ پہلے دن کے پہلے سیشن میں سمارٹ واچ پہن کر امپائرنگ کی تھی۔ غلطی کا احساس  ہونے پر لنچ کے وقفے کے بعد امپائر نے گھڑی اتار دی اور اس بارے میں آئی سی سی  اینٹی  کرپشن یونٹ کو بھی بتا دیا۔