اسلام آباد(صباح نیوز)چین عالمگیر وبا کرونا وائرس سے بچا ئوکی ویکسین پاکستان کو فراہم کرے گا۔امریکی میڈیا کے مطابق چین ایک سمجھوتے کے تحت پاکستان کو کرونا وائرس کی ویکسین فراہم کریگا، اس سمجھوتے کے تحت جنوبی ایشیائی ممالک سمیت  پاکستان میں بھی کرونا وائرس کی ویکسین کا تجربہ ہوگا۔امریکی میڈیا کا کہنا ہے کہ یہ ویکسین پاکستان میں عمر رسیدہ افراد، طبی عملے اور انتہائی بیمار افراد کو دی جائیگی۔غیر ملکی خبررساں ادارے کے مطابق چین کی جانب سے یہ پہلا سمجھوتا ہے جس میں وہ ویکسین کی جانچ کے لیے اپنے ملک سے باہر  کے لوگوں پر تجربہ کر رہا ہے۔خیال رہے کہ عالمی وبا کرونا وائرس کے خاتمے کے لیے دنیا بھر میں سائنسدانوں کی جانب سے  ویکسین کے  ٹرائل کا عمل جاری ہے۔گزشتہ دنوں امریکہ نے کرونا کے خلاف مبینہ طور پر کارگر دو دواں میں سے ایک دوا رمڈیسیویر کا پورے برطانیہ اور یورپ کا سٹاک خرید لیا تھا جس کے بعد کہا جا رہا تھا کہ برطانیہ اور یورپ کے مریض دوا سے محروم رہیں گے۔