کراچی (صباح نیوز)کراچی کے علاقے کریم آباد پل کے نیچے نامعلوم موٹرسائیکل سواروں کی فائرنگ سے ٹریفک پولیس اہلکار شہید ہو گیا۔ تفصیلات کے مطابق کراچی کے علاقے کریم آباد میں پل کے نیچے نامعلوم موٹرسائیکل سواروں کی فائرنگ سے ٹریفک پولیس اہلکار شہید ہو گیا۔ پولیس کے مطابق موٹرسائیکل سوار ملزمان نے ٹریفک پولیس اہلکار کو نشانہ بنایا  جو نائٹ ڈیوٹی کے لیے آ رہا تھا۔ ترجمان کراچی پولیس کے مطابق شہید اہلکار کو سینے پر 2گولیاں لگی تھیں۔ اہلکار محمد علی کا اسلحہ اور موبائل فون بھی غائب ہے، اس حوالے سے پولیس مزید تحقیقات کر رہی ہے۔