متعدد وارداتیں،مغلپورہ6،سمن آباد، گرین ٹاؤن5,5، شمالی چھاؤنی میں3لاکھ کے ڈاکے
لاہور(نمائندہ خصوصی)شہر کے مختلف علاقوں میں ڈکیتی اورچوری کی متعدد وارداتوں میں شہریوں سے لاکھوں روپے مالیت کی نقدی،طلائی زیورات، موبائل فون،گاڑیاں اور موٹر سائیکلیں لوٹ لی گئی ہیں۔ تفصیلات کے مطابق ڈاکوؤں نے مغلپورہ کے علاقے میں سلمان کے گھر گھس کر اسلحہ کے زور پر اہلخانہ کو یرغمال بنا کر 6لاکھ40ہزار روپے مالیت، سمن آباد کے علاقے میں فراز کے گھرسے 5لاکھ70 ہزار روپے مالیت، گرین ٹاؤن کے علاقے میں ناصراور اس کی فیملی سے 5لاکھ45ہزار روپے مالیت، شمالی چھاؤنی کے علاقے میں نصیر اور اس کی فیملی سے3لاکھ 83ہزارروپے مالیت کی نقدی،طلائی زیورات، موبائل فون ودیگر سامان لوٹ لیا۔ لوٹ مار کی دیگر وارداتوں میں شاہدرہ میں شہباز سے ایک لاکھ روپے اور موبائل فون، مزنگ میں نواز سے40 ہزارروپے اورموبائل فون، فیکٹری ایریا میں امجد سے54 ہزارروپے اور موبائل فون لوٹ لیا اور فرارہوگئے ہیں۔ چوروں نے ڈیفنس سی اور ریس کورس کے علاقوں سے 2گاڑیاں جبکہ لوئر مال،ملت پارک، جوہر ٹاؤن،مصری شاہ اور نصیر آباد کے علاقوں سے5موٹرسائیکلیں چوری کرلی ہیں۔
