فیروزوالہ( نامہ نگار) جی ٹی روڈ پر ٹریفک حادثات میں نوجوان ہلاک اور چھ افراد زخمی ہو گئے۔ شاہدرہ میں ریڑھے پر بیٹھا ہو ا نوجوان جمپ لگنے کے باعث گر کر جاں بحق ہو گیا ۔ محنت کش کا بیٹا عثمان ریڑھے پر بیٹھ کر جا رہا تھا کہ نا معلوم گاڑی نے ریڑھے کو ٹکر مار دی جو جمپ لگنے سے نوجوان سڑک پر گر کر شدید زخمی ہو گیا ‘ طبی امداد کیلئے ہسپتال لایا گیا جہاںدم توڑ گیا۔ جی ٹی روڈ پر کھوڑی کے قریب دو موٹر سائیکلیں ٹکرا نے کے باعث جواں سالہ خاتون سمیت تین افراد زخمی ہو گئے۔لاہور روڈ پر دودھ سے بھرا ہو ڈالا الٹ جانے سے تین افراد زخمی ہو گئے۔ چھت سے گر کر دو افراد زخمی ہو گئے ۔ کالا خطائی روڈ کی آبادی بھڑ تھ میں مکان کی چھت سے گر کر یوسف اور شاہدرہ میں مکان کی چھت سے گر کر یامین زخمی ہوگئے ۔ ہسپتال داخل کروا دیا گیا۔