لاہور (نیٹ نیوز) ہری پور میں دو گروپوں کے مابین فائرنگ کے تبادلے میں 5بھائیوں سمیت 6 افراد جاں بحق ہو گئے۔ پولیس کے مطابق مسلح تصادم افغان باشندوں کے 2 گروپوں میں ہوا جس میں 3 افراد زخمی بھی ہوئے۔ زخمیوں کو طبی امداد کے لیے ہسپتال منتقل کر دیا گیا ہے۔ پولیس کا بتانا ہے کہ بجلی کا بل مسلح تصادم کا سبب بنا۔ مقتولین اور ملزمان ایک ساتھ رہائش پذیر، بجلی کا بل مشترکا طور پر ادا کرتے تھے۔ پولیس کا کہنا ہے کہ فائرنگ کے بعد 3 ملزمان کو گرفتار کر کے اسلحہ بھی برآمد کر لیا گیا ہے جب کہ دیگر افراد فرار ہو گئے ہیں۔ پولیس کا کہنا ہے کہ لاشوں کو قانونی کارروائی کے لیے ہسپتال منتقل کر دیا گیا ہے۔