ڈسکہ‘ پنڈی بھٹیاں‘ فیروزوالا(نمائندگان‘ نامہ نگاران) ڈسکہ میں لڑکی سے ویڈیو بنا کر طویل عرصہ زیاد تی ،متاثرہ حاملہ ہو گئی‘ جبکہ پنڈی بھٹیاں میں 6سالہ بچے کو درندگی کا نشانہ بنانے پر ایک ملزم گرفتار کر لیا گیا۔ فیروز والا میں محنت کش کی جواں سالہ بیٹی کی آبرو ریزی کی گئی۔ستراہ کی14سالہ لڑکی سمیرا بی بی کے گھر سلائی کڑھائی سیکھنے جاتی تھی وہاں پر ملزم شفیق نے سمیرا بی بی اور ناہید اخترکیساتھ ملکر لڑکی کیساتھ زیادتی کرنا شروع کردی ا ور ساتھ ہی ویڈیو بنا کر بلیک میل کرنا بھی معمول بنا لیا۔گزشتہ روز لڑکی کی طبیعت خراب ہونے پر ڈاکٹر نے بتایاکہ لڑکی دو ماہ کی حاملہ ہے پولیس نے مقدمہ درج کرلیاہے ۔پنڈی بھٹیاں میں پہلی جماعت کے طالب علم کو زیادتی کا نشانہ بنایا گیا‘ ملزم بچے کو حالت غیر ہونے پر چھوڑ کر فرار ہو گئے۔ سٹی پولیس نے رپورٹ پر مقدمہ درج کر لیا ملزم کامران انصاری کو گرفتار کر لیا۔ میڈیکل رپورٹ حاصل کر لی گئی ہے۔فیروزوالا میں 2نوجوان نے محنت کش کی جواں سالہ بیٹی کو زیادتی کا نشانہ بنایا پرانی  بیہنی کے رہائشی کی بیٹی گھر میں اکیلی تھی ملزمان حیدر اور خیرات نے زیادتی کے بعد فرار ہو گئے۔ ملزموں کے خلاف مقدمہ درج کر لیا۔