لاہور(سپورٹس ڈیسک)انگلینڈ ٹیم کے کپتان ایان مورگن نے ٹی ٹونٹی فارمیٹ میں پاکستانی ٹیم کو خطرناک قرار دیدیا اور کہا کہ مہمان ٹیم کی کارکردگی کا گراف اس فارمیٹ میں ماضی کی نسبت اب کافی بہتر ‘امید ہے سیریز میں بہترین کرکٹ دیکھنے کو ملے گی۔ جیسن روئے کی عدم موجودگی نقصان دہ ہوگی۔ آئرلینڈ کیخلاف میچز سے سیریز کی تیاری میں  مدد ملی  اب جسمانی اور ذہنی طورپر ایک بڑی ٹیم کا مقابلہ کرنے کیلئے تیار ہیں۔  وائٹ بال میں بھی جیت کیساتھ اختتام کی کوشش کریں گے۔ پاکستانی ٹیم کے پاس بابر اعظم  جیسے دوسرے بہترین بلے باز ہیں تو ہمارا کمبی نیشن بھی زبردست ہے۔پاکستان کے بعد سیزن کی آخری سیریز آسٹریلیا کیخلاف ہوگی۔