لاہور (نمائندہ سپورٹس+سپورٹس رپورٹر) نوجوان بلے باز حیدر علی نے کہا ہے کہ قومی ٹی ٹونٹی سکواڈ میں شمولیت ان کے خوابوں کی تعبیر ہے، ہر نوجوان کرکٹر یہ دن دیکھنے کیلئے ہی کرکٹ کا آغاز کرتا ہے۔ کرکٹ کا وسیع تجربہ رکھنے والے ان کھلاڑیوں کیساتھ ڈریسنگ روم کا تبادلہ کرنیوالے یہ لمحات ہمیشہ یاد رہیں گے۔ قائداعظم ٹرافی کے بعد انہوں نے پی ایس ایل کے میچوں میں غیرملکی کھلاڑیوں کیساتھ کرکٹ کھیلی مگر بین الاقوامی سطح پر پاکستان کی نمائندگی کا موقع ملنا ایک یکسر الگ تجربہ ہے۔ بطور کرکٹر  انگلینڈ کا پہلا دورہ ہے، یہاں کی کنڈیشنز اور گیند پاکستان سے مختلف ہے۔ سیریز سے 2 ماہ قبل یہاں پہنچنا مفید ثابت ہورہا ہے۔ کوشش کرینگے کہ صورتحال سے فائدہ اٹھاسکیں۔