اسلام آباد (نوائے وقت رپورٹ) وزیر خارجہ شاہ محمود قریشی نے کہا ہے کہ بھارت میں کرونا تیزی سے پھیل رہا ہے۔ پاکستان میں صورتحال بہتر ہے۔ کراچی میں ہونے والے جانی نقصان پر تشویش ہے۔ کراچی کے شہری شدید کرب میں مبتلا ہیں۔ وفاق اور سندھ حکومت مل کر لوگوں کی مشکلات حل کریں۔ بھارت پاکستان کو پریشان کرنے کا کوئی موقع ہاتھ سے جانے نہیں دیتا۔ نواز شریف کو انسانی ہمدردی کی بنیاد پر بیرون ملک جانے دیا گیا۔ لندن کی خبروں کے مطابق نواز شریف کی طبیعت بہتر ہے۔ نواز شریف سیاست میں حصہ لے رہے ہیں انہیں واپس آنا چاہئے۔ نوائے شریف کو حکومتی اقدامات کا انتظار کئے بغیر واپس آنا چاہئے۔