اسلام آباد (نوائے وقت رپورٹ) وفاقی وزیر سائنس و ٹیکنالوجی فواد چودھری نے کہا ہے کہ ہو سکتا ہے نواز شریف کی صحتیابی کوئی معجزہ ہو مگر اس کا تعین تحقیقات سے ہی ہوگا، ڈاکٹر طاہر شمسی کی کوئی بھی رائے ہو سکتی ہے اس کے ٹھیک ہونے کا تحقیقات سے پتہ چلے گا نواز شریف لندن میں ٹھیک گھوم پھر رہے ہیں انہیں خود واپس آنان چاہئے ،پاکستان میں سزا پوری کریں یا پلی بارگین کریں، نجی ٹی وی سے گفتگو کرتے ہوئے انہوں نے کہا کہ نواز شریف کی رپورٹس کے حوالے سے جب تک تحقیقات نہیں ہوئی ،کسی ڈاکٹر پر الزام نہیں لگا سکتا، ایک سوال پر کہا کہ کابینہ کی رائے ہے دوہری شہریت رکھنے والوں کو الیکشن لڑنے کی اجازت دی جائے ۔