خانقاہ ڈوگراں(نامہ نگا ر) مین لاہور سرگودھا جی ٹی روڈ کھنڈرات میں تبدیل‘ سفر کرنا دشوار‘ حادثات معمول بن گئے۔ تفصیلات کے مطابق لاہور سرگودھا مین جی ٹی روڈ عرصہ کئی سال سے ٹوٹ پھوٹ کا شکار ہے۔ رہی سہی کسر بارشوں نے نکال دی ہے۔اب یہ سڑک کھنڈرات کا منظر پیش کر رہی ہے۔ بڑے بڑے گڑھے بن جانے سے گزرنا دشوار بن چکا ہے۔گاڑیوں کے ایکسل ٹوٹنا معمول بن چکا ہے جبکہ آئے روز حادثات میں گاڑیوں کے نقصان کے علاوہ کئی قیمتی جانیں بھی ضائع ہو چکی ہیں۔مگر ارباب اختیار کی عدم دلچسپی کی وجہ سے عوام میں شدید مایوسی پائی جا رہی ہے۔ شہریوں نے ڈپٹی کمشنر شیخوپورہ اصغر علی جوئیہ اور تحریک انصاف کی قیادت سے اس سڑک کو کارپٹ روڑ بنانے کا مطالبہ کیا ہے۔