قصور (نمائندہ نوائے وقت) قصور اور نواح میں ٹریفک کے دو مختلف حادثات میں دو بھائیوں سمیت چار افراد جاں بحق ہوگئے۔ فیروز پور روڈ نقیب آباد کے قریب تیز رفتار ٹریکٹر ٹرالہ کی ٹکر سے نقیب آباد کے ہی دو رہائشی موٹرسائیکل سوار 59سالہ ظفر اور 45سالہ ارشد جاں بحق ہوگئے ۔ پولیس تھانہ صدر قصور مصروف کارروائی ہے۔ جبکہ ٹول پلازہ پتوکی کے قریب تیز رفتار بس کی ٹکر سے حبیب آباد کے رہائشی دو بھائی موٹرسائیکل سوار محمد نعیم اور سلیم شدید زخمی ہوگئے اور زخموں کے تاب نہ لاتے ہوئے موقع پر  دم توڑ گئے۔ پولیس تھانہ صدر پتوکی مصروف کارروائی ہے۔