ریاض+رینالہ خورد( نما ئندہ خصوصی )سعودی عرب میں بدترین ٹریفک حادثے میں3 پاکستانی جاں بحق جبکہ چار افراد زخمی ہوگئے پاکستانیوں کی میتوں کو وطن بھیجنے کے اقدامات کیے جا رہے ہیں۔ سعودی دارالحکومت ریاض میں 24 سال سے مقیم رائے شاہ زمان کھرل اپنی اہلیہ اور تین بچوں کے ہمراہ نواحی شہر الخرج سے واپس آ رہے تھے کہ سامنے سے آتی ہوئی کار سے تصادم ہوگیا جس میں ایک سعودی اور یمنی شہری سوار تھے تصادم کے نتیجے میں رائے شاہ زمان اور انکی اہلیہ سمیت تین سالہ بچی موقعہ پر جاں بحق ہوگئے جبکہ دو بچے معجرانہ طور پر بچ گئے اس کے علاوہ یمنی اور سعودی شہری بھی معمولی زخمی ہوئے جن کو طبی امداد مہیا کرنے کے بعد پولیس نے اپنی حراست میں لے لیا ہے سفارتخانہ پاکستان کے کمیونٹی ویلفیئر اتاشی محمود لطیف نے کہا کہ رائے شاہ زمان سمیت دیگر اہل خانہ کی میتیں پاکستان بھجوانے کے لئے دستاویزات تیار کی جا چکی ہیں اگلے دو روز میں میتیں پاکستان روانہ کر دی جائیں گی ،انہوں نے بتایاکہ رائے شاہ زمان کا تعلق اوکاڑہ کے نواحہ علاقے بنگلہ گوگیرہ سلطان کھوہ والہ سے تھا۔