اسلام آباد (سپیشل رپورٹر) ) چیئر مین جوائنٹ چیفس آف سٹاف کمیٹی جنرل ندیم رضا نے روس کا دورہ کیا اور روس کے چیف آف جنرل سٹاف سے ملاقات کی۔ آئی ایس پی آر کے مطابق چیئر مین جوائنٹ چیفس آف سٹاف کمیٹی جنرل ندیم رضا نے روس کا دورہ کیا، دورے کے دوران روس کے چیف آف جنرل سٹاف جنرل ویلیری سے ملاقات بھی کی۔  دونوں ممالک کی مسلح افواج کے درمیان تعاون پر بات چیت کی گئی۔ دونوں ممالک کے مابین دوطرفہ فوجی تعاون کے امور اور علاقائی سلامتی کے متحرک امور پر بھی تبادلہ خیال کیا گیا۔ جنرل ندیم رضا ایس سی او کے تحت ہونے والی دفاع اور سکیورٹی میں تعاون پر سلسلے پر روس کا دورہ کر رہے ہیں۔جنرل ویلیری نے پاک فوج کی پیشہ ورانہ مہارت کی تعریف کی اور دہشتگردی کے خلاف جنگ میں پاکستان کی قربانیوں کا اعتراف کیا۔ٹویٹر پر جاری کردہ بیان میں کہا گیا ہے کہ جنرل ندیم رضا ماسکو میں ‘انٹرنیشنل ملٹری گیمز2020’ کی اختتامی تقریب میں بھی شرکت کریں گے۔ پاکستان آرمڈ فورسز گزشتہ تین سالوں سے مذکورہ کھیلوں کا باقاعدہ حصہ لے رہی ہیں۔