اوکاڑہ (نامہ نگار) دیپالپور پاکپتن روڈ پر کار کی موٹر سائیکل کے ساتھ ٹکرانے سے کار الٹ گئی، ماں، بیٹا جاںبحق جبکہ4 افراد زخمی ہوگئے۔ بتایا گیا ہے کہ اللّٰہ پور دیپالپور پاکپتن روڈ پر کار، موٹر سائیکل کے ساتھ ٹکرا گئی جس سے کار الٹ گئی۔ ریسکیو ٹیم نے ایک خاتون اور 3 مردوں کو ابتدائی طبی امداد فراہم کرتے ہوئے ٹی ایچ کیو ہسپتال دیپالپور منتقل کر دیا۔ جانبحق ہونے والوں کی شناخت شمیم زوجہ محمد عباس اور فخر عباس ولد محمد عباس کے ناموں سے ہوئی ہے جو کہ گاؤں کرتار پور پاکپتن کے رہائشی تھے۔