لاہور (نامہ نگار) پنجاب پولیس میں سب انسپکٹر کی آسامیوں پر بھرتیوں کا اعلان کر دیا گیا ہے۔ صوبہ بھر میں 430 سب انسپکٹروں کو بھرتی کیا جائے گا۔ نوٹیفکیشن کے مطابق پنجاب پولیس میں گریڈ 14 میں سب انسپکٹروں کو بھرتی کرنے کا فیصلہ کیا گیا ہے۔ اوپن میرٹ پر 345 سب انسپکٹرز بھرتی ہوں گے جن کے لیے عمر کی حد 20 سے 25 سال  اور کم از کم تعلیمی قابلیت بی اے رکھی گئی ہے۔ امیدوار کا گریجوایشن میں سکینڈ ڈویژن ہونا لازمی ہے۔ اسی طرح سروس کوٹہ کے تحت پنجاب پولیس میں گریڈ 14 کی سیٹ پر 85 سب انسپکٹرز کو بھرتی کیا جائے گا جس کے لیے امیدوار کی عمر 20 سے 25 سال مقرر کی گئی ہے جبکہ تعلیمی قابلیت سکینڈ ڈویژن کے ساتھ بی اے رکھی گئی ہے۔ اس سلسلے میں پنجاب پبلک سروس کمشن کی ویب سائٹ پر نوکریوں کیلئے اشتہار جاری کیا جائے گا۔