سکھر (نوائے وقت رپورٹ) رہنما پیپلرپارٹی خورشید شاہ نے احتساب عدالت سکھر کے باہر میڈیا سے بات کرتے ہوئے کہا ہے کہ اگر کراچی کو 11 سو ارب روپے مل رہے ہیں تو یہ اچھی بات ہے۔ کراچی پیکیج میں وفاق کا کتنا حصہ ہے اور سندھ کا کتنا یہ بعد کی بات ہے۔ آرٹیکل 62‘ 63 میں جھوٹ‘ دھوکہ اور فریب نہ کرنے کا ذکر ہے۔ عمران خان نے ووٹ لینے کیلئے قوم کے ساتھ دھوکہ کیا اور فریب دیا۔ یہی کافی ہے۔ عمران خان حکومت کو آئے ہوئے دو سال ہوگئے‘ انہوں نے ایک بھی وعدہ پورا نہیں کیا۔ آج بیروزگاری‘ مہنگائی اور افراتفری دیکھ کر تکلیف ہو رہی ہے۔ بارڈر پر جو کچھ ہو رہا ہے‘ ہارے جوان شہید ہو رہے ہیں اس پر بھی تکلیف ہوتی ہے۔ پارلیمنٹ کو اپنا صاف اور شفاف کردار ادا کرنا چاہئے جیسے ماضی میں ہوتا آیا ہے۔