جھنگ (نامہ نگار) جھنگ میں محکمہ سپورٹس اور شفیق اتھلیٹکس اکیڈمی کے زیر اہتمام مائی ہیر سٹیڈیم میں پانچ کلو میٹر دوڑ کا اہتمام کیا گیا جس میں ضلع بھر کی سات اکیڈمیز سے 70 سے زائد کھلاڑیوں نے حصہ لیا ۔ پانچ کلو میٹر دوڑ میں سر شفیق اتھلیٹکس اکیڈمی نے پہلی ،الناصر اتھلیٹکس اکیڈمی نے دوسری جبکہ با با موج دریا  اتھلیٹکس اکیڈمی نے تیسری پوزیشن حاصل کی۔ ڈسٹرکٹ سپورٹس آفیسر محمد عمران نے بطور مہمان خصوصی شر کت کی۔ ڈویژنل سپورٹس آفیسر سرگودھا شاہ منظر فرید ، کوچ امان اللہ شان‘ ‘عبد الغفار گجر، اسحاق سیال، جمیل شفیق اور محمد نعیم سمیت کوچز بھی ہمراہ تھے ۔