لاہور(نامہ نگار)ڈی آئی جی آپریشنز لاہور اشفاق خان کی ہدایت پر لاہور پولیس آپریشنز ونگ پیشہ ور بھکاریوں کیخلاف مہم جاری رکھے ہوئے ہے ۔شہر بھر میں پیشہ ور گداگروںکیخلاف روزانہ کی بنیاد پر کارروائیاں عمل میں لارہی ہے۔ ڈی آئی جی آپریشنزاشفاق خان نے بتایا کہ 7 روز کے دوران پیشہ ور بھکاریوں میں37مرد،54 خواتین ،2 خواجہ سراء کو گرفتار کر لیا گیا۔ڈی آئی جی آپریشنزنے کہا کہ بچوں سے بھیک منگوانے والے عناصر کے خلاف بھرپورکارروائیاں جاری ہیں۔ علاوہ ازیں ڈی آئی جی آپریشنز لاہور اشفاق خان نے کہا کہ یکم محرم الحرام سے ابتک شہر کے 432علاقوں میں سرچ آپریشنز کئے ۔