شاہ عالم مارکیٹ میں بوری بند لاش ملنے کا معمہ حل‘ مقتول کے 2دوست گرفتار
لاہور (نمائندہ خصوصی) لوہاری گیٹ پولیس کی کارروائی۔ 26 سالہ شہری بختیان اللہ کی بوری بند لاش ملنے کا معمہ حل، دوست ہی قاتل نکلے۔ تفصیلات کے مطابق لوہاری گیٹ انوسٹی گیشن پولیس نے اندھے قتل میں ملوث سجاول خان اور حمزہ اللہ کو گرفتار کر لیا۔ پولیس کے مطابق جنسی زیادتی سے منع کرنے پر سجاول خان اور حمزہ اللہ نے اپنے دوست بختیان اللہ کو قتل کر دیا تھا۔ انچارج انویسٹی گیشن لوہاری گیٹ فرقان محمود نے اپنی ٹیم کے ہمراہ ملزمان کو جدید ٹیکنالوجی کی مدد سے گرفتارکیا۔
