لاہور(سپورٹس رپورٹر+نمائندہ سپورٹس) ایشین ہاکی فیڈریشن نے ویمن ایشین چیمپیئنز ٹرافی ہاکی ٹورنامنٹ کے شیڈول اور وینیو کا اعلان کر دیا ہے۔ ٹورنامنٹ 31 مارچ سے 7 اپریل 2021ء تک کوریا کے شہر ڈونگئی میں کھیلا جائیگا۔ انٹرنیشنل ہاکی فیڈریشن نے ٹورنامنٹ کی تاریخوں کی منظوری دیدی ہے جس میں ٹاپ چھ ٹیمیں میزبان کوریا، چین، انڈیا، جاپان، ملائیشیا اور تھائی لینڈ شرکت کرینگی۔ میزبان کوریا کی ٹیم ٹائٹل کا دفاع کریگی ۔