سی سی پی او ان ایکشن، 2 ایس ایچ اوز معطل چنے والے سے بدتمیزی پر اے ایس آئی 2 کانسٹیبلز حوالات میں بند
لاہور(نامہ نگار)سی سی پی او لاہور محمد عمر شیخ ایکشن میں آگئے، مقدمات کے اندراج میں تاخیر پر 2 ایس ایچ اوز کو تفتیش کے بعد معطل کردیا گیا۔ ایس ایچ او ملت پارک ملک شہباز اور ایس ایچ او مصطفیٰ آباد عمران کو معطل کردیا گیا ساتھ ہی ایک روز قبل تھانہ نواں کوٹ کی حدود میں چنے کا ناشتہ لگانے والے شہری سے بدتمیزی کر نے پر ایک اے ایس آئی اور 2 کانسٹیبل کو حوالات میں بند کروا دیا گیا۔ سی سی پی او عمر شیخ کے مطابق پولیس کی جانب سے کسی بھی شہری سے بدتمیزی کو برداشت نہیں کیا جائے گا۔
