لاس اینجلس(نوائے وقت رپورٹ) امریکہ میں ایک انجن والا چھوٹا طیارہ پارکنگ ایریا میں گر کر تباہ ہوگیا جس کے نتیجے میں 2 افراد ہلاک ہوگئے۔عالمی خبر رساں ادارے کے مطابق  زمین پر گرنے کے بعد طیارے میں آگ بھڑک اْٹھی اور طیارے میں موجود دونوں افراد بری طرح جھلس کر ہلاک ہوگئے۔فائر بریگیڈ کے عملے نے طیارے میں لگی آگ کو بجھایا اور طیارے کے ملبے سے دو افراد کی نعشیں نکالیں جن کی تاحال شناخت نہیں ہوسکی ہے۔ نعشوں کو پوسٹ مارٹم اور فرانزک ٹیسٹ کے لیے سپتال منتقل کردیا گیا ہے۔ سول ایوی ایشن نے واقعے کی تحقیقات کے لیے کمیٹی تشکیل دیدی ہے۔