اوکاڑہ (نامہ نگار) اوکاڑہ بائی پاس پر مسافروں سے بھری بس الٹ گئی 3خواتین سمیت 15افراد شدید زخمی ہوگئے، حادثہ ٹائر پھٹنے کے باعث پیش آیا ریسکیو1122کی ٹیمیں جائے حادثہ پر پہنچ گئیں ، امدادی کارروائیاں کرتے ہوئے زخمیوں کوڈسٹرکٹ ہسپتال منتقل کردیا گیا۔ مسافر بس جولاہور سے بہاولنگر جارہی تھی اور مسافروں سے کھچا کھچ بھری ہوئی تھی جیسے ہی اوکاڑہ بائی پاس پرپہنچی تو اچانک اس کااگلا ٹائر برسٹ ہوگیا، جسکے نتیجے میں بس بے قابو ہوکر الٹ گئی۔ حادثہ کی اطلاع ملتے ہی ریسکیو1122کی ٹیمیں جائے وقوعہ پرپہنچ گئی امدادی کارروائیاں کرتے ہوئے زخمیوں کو ڈسٹرکٹ ہسپتال منتقل کردیا گیا ہے۔