فیصل آباد  (آن لائن)لالی وڈ اداکارہ میرا کی سبینہ تھیٹر میں پرفارمنس کے دوران نامعلوم موٹرسائیکل سواروں کی فائرنگ، تھیٹر کے باہر موجود گاڑیوں کے شیشے ٹوٹ گئے۔ تفصیل کے مطابق معروف اداکارہ میرا سٹیج ڈرامہ میں پرفارمنس کر رہی تھی کہ نامعلوم موٹرسائیکل سواروں نے تھیٹر کے باہر فائرنگ کر دی جس سے ہر طرف خوف وہراس پھیل گیا اور پرانی سبزی منڈی جھنگ روڈ پر واقع سبینہ تھیٹر کے باہر کھڑی گاڑیوں کے شیشے ٹوٹ گئے تاہم خوش قسمتی سے کوئی جانی نقصان نہیں ہوا، مسلح موٹرسائیکل سواروں نے سکیورٹی گارڈ سے بندوق بھی چھین لی اور فائرنگ کرتے ہوئے موقع سے فرار ہو گئے۔